"Milan"ning sobiq futbolchisi Andrey Shevchenko "rossonerilar" bosh murabbiyi Massimiliano Allegri haqida fikr bildirdi.

"Allegri o‘ziga xos xususiyatlarga ega tajribali murabbiy. U o‘yinchilarni yaxshi boshqaradi va sinalgan o‘yin uslubiga ega. Uni tanlash orqali siz nima olishingizni bilasiz: u umidlarni oqlaydi", - deya mutaxassisning so‘zlarini keltiradi Calcio Mercato.

Italiyalik mutaxassis yozda "Milan" boshqaruviga kelgan edi. Uning qo‘l ostida jamoa A Seriyaning 11 turida 22 ochko to‘pladi va turnir jadvalida 3-o‘rinni egallab turibdi.