"Barselona"ning chap qanot himoyachisi Jerar Martin Bilbaoning "Atletik" klubiga qarshi o‘yinda himoya markazida noodatiy pozisiyada o‘ynadi.
23 yoshli ispaniyalik futbolchi "ko‘k-anorranglilar"ga "Kamp Nou"ga qaytganidan keyingi dastlabki bahsda "quruq" g‘alabaga erishishga yordam berdi - 4:0.
"Men bir necha hafta davomida markaziy himoyachi pozisiyasida mashq qildim - har qanday o‘yinda zarurat tug‘ilishi mumkinligini bilardim. Bu oson bo‘lmadi, chunki siz doimo chiziqni ushlab turishingiz kerak, lekin men bu rolda o‘zimni qulay his qilaman," - dedi Martin jurnalistlar bilan suhbatda.













