Myunxenning "Bavariya" klubi himoyachisi Dayo Upamekano bilan shartnomani uzaytirish uchun faol harakat qilmoqda. Biroq, jurnalist Ekrem Konurning X ijtimoiy tarmog‘ida yozishicha, futbolchining o‘zi faoliyatini Madridning "Real" klubida davom ettirish istagini bildirmoqda va bu variantni ustuvor deb hisoblamoqda.
Nemis klubi fransiyalik markaziy himoyachini o‘z safida olib qolmoqchi, ammo 27 yoshli futbolchi Ispaniya grandiga o‘tishga moilroq. Shuningdek, Upamekanoga Angliyaning "Liverpul" va Fransiyaning "PSJ" klublari ham qiziqish bildirmoqda.
Joriy mavsumda himoyachi barcha musobaqalarda 15ta o‘yinda maydonga tushdi. Uning "Bavariya" bilan amaldagi shartnomasi 2026 yilning yarmigacha mo‘ljallangan. Transfermarkt portali ma’lumotlariga ko‘ra, futbolchining narxi 60 mln yevroni tashkil qiladi.
