Мюнхеннинг "Бавария" клуби ҳимоячиси Дайо Упамекано билан шартномани узайтириш учун фаол ҳаракат қилмоқда. Бироқ, журналист Экрем Конурнинг Х ижтимоий тармоғида ёзишича, футболчининг ўзи фаолиятини Мадриднинг "Реал" клубида давом эттириш истагини билдирмоқда ва бу вариантни устувор деб ҳисобламоқда.

Немис клуби франциялик марказий ҳимоячини ўз сафида олиб қолмоқчи, аммо 27 ёшли футболчи Испания грандига ўтишга моилроқ. Шунингдек, Упамеканога Англиянинг "Ливерпуль" ва Франциянинг "ПСЖ" клублари ҳам қизиқиш билдирмоқда.

Жорий мавсумда ҳимоячи барча мусобақаларда 15та ўйинда майдонга тушди. Унинг "Бавария" билан амалдаги шартномаси 2026 йилнинг ярмигача мўлжалланган. Transfermarkt портали маълумотларига кўра, футболчининг нархи 60 млн еврони ташкил қилади.