Avvalroq, "Barselona" yozda jamoani tark etgan Inigo Martines o‘rniga yangi markaziy himoyachi sotib olishni rejalashtirayotgani haqida xabarlar tarqalgan edi.
So‘nggi ma’lumotlarga ko‘ra, kataloniyaliklar "Nottingem Forest"ning braziliyalik markaziy himoyachisi Murilyoni transfer qilish variantini ko‘rib chiqmoqda. Ispan grandi futbolchini uzoq yillar davomida mudofaa chizig‘ini mustahkamlay oladigan zamonaviy ishonchli himoyachi sifatida ko‘rmoqda.
Qayd etilishicha, "Barselona" ikki futbolchisi, xususan, Ronald Arauxo va Andreas Kristensenning barqarorligiga ishonmayapti.
Qo‘shimcha qilamizki, Murilloning "Nottingem" bilan amaldagi shartnomasi 2029 yilga qadar imzolangan. "Transfermarkt" portali 23 yoshli futbolchini 55 million yevroga baholamoqda.
