Аввалроқ, "Барселона" ёзда жамоани тарк этган Иньиго Мартинес ўрнига янги марказий ҳимоячи сотиб олишни режалаштираётгани ҳақида хабарлар тарқалган эди.
Сўнгги маълумотларга кўра, каталонияликлар "Ноттингем Форест"нинг бразилиялик марказий ҳимоячиси Мурильони трансфер қилиш вариантини кўриб чиқмоқда. Испан гранди футболчини узоқ йиллар давомида мудофаа чизиғини мустаҳкамлай оладиган замонавий ишончли ҳимоячи сифатида кўрмоқда.
Қайд этилишича, "Барселона" икки футболчиси, хусусан, Рональд Араухо ва Андреас Кристенсеннинг барқарорлигига ишонмаяпти.
Қўшимча қиламизки, Муриллонинг "Ноттингем" билан амалдаги шартномаси 2029 йилга қадар имзоланган. "Transfermarkt" портали 23 ёшли футболчини 55 миллион еврога баҳоламоқда.
