"Manchester Yunayted" bosh murabbiyi Ruben Amorim Angliya chempionatining 12-turidan o‘rin olgan o‘zaro o‘yinning 13-daqiqasida (0:1) jamoadoshi Maykl Kin bilan janjallashib qolgan "Everton" himoyachisi Idrissa Geyening hakam Toni Xarrington tomonidan chetlatilishiga norozilik bildirdi.
"Janjallashish yomon emas. Bu hali ular bir-birini hurmat qilmaydi degani emas. Men bu chetlatishga qo‘shilmayman, jamoadoshlar bilan janjallashish mumkin. Umid qilamanki, futbolchilarim to‘pni yo‘qotganda bir-birlari bilan mushtlashaydilar. Ularni buning uchun maydondan chetlatish mumkin emas, ammo ular ko‘plab uchrashuvlarda bunga qodir ekanliklarini ko‘rsatishmoqda", - deya Amorimning so‘zlarini keltiradi Manchester Evening News.
