Madridning "Real" klubi vingeri Vinisius Junior barcha turnirlar doirasidagi so‘nggi yetti o‘yinda birorta ham samarali harakat qilmadi - bu uning so‘nggi to‘rt yildagi eng yomon seriyasi. Bu haqda Opta X ijtimoiy tarmog‘ida xabar berdi.

Oxirgi marta braziliyalik futbolchi oktyabr oyi boshida klub miqyosida gol urgandi - "Vilyarreal" bilan o‘yinda u dubl qayd etgandi. O‘shandan beri Vinisius terma jamoadagi o‘yinlarni hisobga olgan holda to‘qqizta o‘yinda maydonga tushdi va na gol urdi, na golli uzatma berdi.

Eslatib o‘tamiz, braziliyalik futbolchining madridliklar bilan amaldagi shartnomasi 2027 yilning yoziga qadar mo‘ljallangan. Avvalroq Vinisius "qaymoqranglilar" bilan yangi kelishuv borasida kelisha olmayotgani haqida xabarlar tarqalgan edi.