"Bavariya" "Arsenal"ga qarshi o‘yinda hujumda yaxshi harakat qila olmadi.

Myunxenliklar Chempionlar ligasi umumiy bosqichining 5-turida londonliklarga imkoniyatni boy berib qo‘ydi (1:3).

Bu o‘yinda Keyn "Arsenal"ga qarshi to‘liq 90 daqiqa o‘ynadi va birorta ham zarba bermadi. Bunaqasi futbolchi bilan ilk bor sodir bo‘ldi.

"Bavariya" shu paytgacha bu mavsumda har bir o‘yinda 2 tadan ko‘p gol urib kelayotgandi. Biroq, "Arsenal" bilan jamoa kutilgan gollar (xG, 0,69) va jarima maydonchasidagi zarbalar (13) bo‘yicha eng yomon ko‘rsatkichlarni namoyish etdi.