Angliyalik himoyachi Fikayo Tomori faoliyatini "Milan"da boshlaganida bir jamoada o‘ynashga to‘g‘ri kelgan Zlatan Ibragimovichni baholadi. Uning so‘zlariga ko‘ra, shvesiyalik futbolchi u ko‘rgan barcha futbolchilar orasida eng raqobatbardoshi hisoblanadi.

"U men duch kelganlar orasida eng raqobatbardoshi. U hatto mashg‘ulotlarda ham yutqazishga toqat qilolmasdi. U jamoasi gol urib, g‘alaba qozonmaguncha o‘ynashda davom etdi. Aks holda kayfiyati buzilib, yechinish xonasida qiynalib qolardi. Ibra bo‘shashishga yo‘l qo‘ymasdi", - deya Tomorining so‘zlarini keltiradi pianetamilan.it.

Eslatib o‘tamiz, Italiya klubi ayni damda A Seriya turnir jadvalida 2-o‘rinni egallab turibdi.