Англиялик ҳимоячи Фикайо Томори фаолиятини "Милан"да бошлаганида бир жамоада ўйнашга тўғри келган Златан Ибрагимовични баҳолади. Унинг сўзларига кўра, швециялик футболчи у кўрган барча футболчилар орасида энг рақобатбардоши ҳисобланади.
"У мен дуч келганлар орасида энг рақобатбардоши. У ҳатто машғулотларда ҳам ютқазишга тоқат қилолмасди. У жамоаси гол уриб, ғалаба қозонмагунча ўйнашда давом этди. Акс ҳолда кайфияти бузилиб, ечиниш хонасида қийналиб қоларди. Ибра бўшашишга йўл қўймасди", - дея Томорининг сўзларини келтиради pianetamilan.it.
Эслатиб ўтамиз, Италия клуби айни дамда А Серия турнир жадвалида 2-ўринни эгаллаб турибди.
