"Chelsi" bosh murabbiyi Enso Mareska hujumkor yarim himoyachi Koul Palmerning safga qaytishi haqida fikr bildirdi. U ikki oydan ortiq o‘ynamadi.
"Palmer birinchi daqiqalardanoq maydonga tushib, o‘ynashga tayyor. U bizning eng yaxshi o‘yinchimiz va biz uning qaytganidan xursandmiz. U yuz foiz formaga kirishi uchun unga vaqt berish kerak. U oldin fantastik darajani ko‘rsatgan. U "Chelsi" safida yaxshi o‘yin ko‘rsatishiga shubha yo‘q.
Uning qaytganidan hammamiz xursandmiz. Eng muhimi, Koul baxtli - u har kuni mashq qilishni va o‘ynashni xohlaydi," - dedi Mareska matbuot anjumanida.
Yakshanba kuni "Chelsi" Premyer-liga doirasidagi "Arsenal"ga qarshi uy uchrashuvini o‘tkazadi.
