"Bavariya" sport direktori Kristof Froynd klubning "Hoffenhaym" hujumchisi Fisnik Asllaniga qiziqishi haqidagi savolga javob berdi.
23 yoshli futbolchi Xarri Keynning bo‘lajak vorisi bo‘lishi mumkinligi aytilmoqda. Hujumchini boshqa grandlar ham kuzatib bormoqda.
"Yaxshi o‘yinchi, gol uradigan, aqlli yigit. U so‘nggi paytlarda hayratlanarli taraqqiyotga erishdi. Menimcha, Asslani qiziqarli yosh futbolchi, u haqida ko‘p gapirishadi. Biroq, yuqorida aytilganidek, hozirgi tarkibimiz va jamoamizning o‘yinidan mamnunmiz", - deydi Sky Sport’ga bergan intervyusida Froynd.













