"Real" futbolchilarining Xabi Alonso haqidagi fikrlari ikkiga bo‘lindi.
Oktyabr oyi oxirida Alonsoning shaxsiy yondashuvi va o‘yinining ba’zi tamoyillari asosiy tarkibning katta qismiga yoqmagani haqida xabar berilgan edi.
The Athletic xabariga ko‘ra, ba’zi futbolchilar hamon ispaniyalik mutaxassisning prinsiplariga ishonmayapti, boshqalari esa yuzaga kelgan vaziyatda ayb murabbiyda emas, deb hisoblamoqda.
30 noyabr kuni "Real" La Liganing 14-turida "Jirona" bilan durang o‘ynadi. Madrid klubi 33 ochko bilan Ispaniya chempionati turnir jadvalida 2-o‘rinni egallab turibdi.
