Markaziy himoyachi Niko Shlotterbek "Borussiya" Dortmund bilan mehnat shartnomasini uzaytirmasligi mumkin. Bu haqda Mundo Deportivo nashri xabar bermoqda.
26 yoshli nemis futbolchisi shartnomani uzaytirishni rad etsa, kelasi yoz mavsumida Dortmundni maqbul narxda tark etishi mumkin. O‘yinchining xizmatlariga "Barselona" va shaxsan jamoaning bosh murabbiyi Xans-Diter Flik qiziqish bildirmoqda. Shlotterbekning o‘yin uslubi germaniyalik mutaxassisga ma’qul kelgan.
Joriy mavsumda himoyachi barcha musobaqalarda 13 ta o‘yinda maydonga tushib, 2 ta golli uzatma berdi. Futbolchining "Borussiya" bilan shartnomasi 2027 yilning yozigacha amal qiladi. Transfermarkt portali uning qiymatini 40 million yevroga baholamoqda.
