"Arsenal" bosh murabbiyi Mikel Arteta Angliya Premyer-ligasining 14-turidan o‘rin olgan "Brentford"ga qarshi o‘yin oldidan jamoasining jarohat olgan futbolchilari holati haqida gapirdi.
"Vilyam Salibada kichik muammolar bor edi, shuning uchun bu bir necha kunlik masala deb o‘ylayman. Ko‘ramiz, u ertangi kunga tayyor bo‘la olarmikan. Kay Xavers - bu bir necha haftalik masala. Ko‘ramiz, yaqin orada hammasi qanday rivojlanadi. U juda yaxshi o‘ynamoqda, maydonda muvaffaqiyatga erishdi, lekin menimcha, unga vaqt kerak. Gabrielning ham ishlari yaxshi ketmoqda, ammo tiklanish jarayoni ham bir necha hafta davom etadi", - deya Artetaning so‘zlarini keltiradi klub rasmiy sayti.
Angliya chempionatining 13 o‘yinidan so‘ng "Arsenal" 21 ochko bilan turnir jadvalida peshqadamlik qilmoqda. "Brentford" esa 10-pog‘onadan joy olgan. Jamoa hisobida 19 ochko bor.
