"Арсенал" бош мураббийи Микел Артета Англия Премьер-лигасининг 14-туридан ўрин олган "Брентфорд"га қарши ўйин олдидан жамоасининг жароҳат олган футболчилари ҳолати ҳақида гапирди.

"Вилям Салибада кичик муаммолар бор эди, шунинг учун бу бир неча кунлик масала деб ўйлайман. Кўрамиз, у эртанги кунга тайёр бўла олармикан. Кай Хаверц - бу бир неча ҳафталик масала. Кўрамиз, яқин орада ҳаммаси қандай ривожланади. У жуда яхши ўйнамоқда, майдонда муваффақиятга эришди, лекин менимча, унга вақт керак. Габриэлнинг ҳам ишлари яхши кетмоқда, аммо тикланиш жараёни ҳам бир неча ҳафта давом этади", - дея Артетанинг сўзларини келтиради клуб расмий сайти.

Англия чемпионатининг 13 ўйинидан сўнг "Арсенал" 21 очко билан турнир жадвалида пешқадамлик қилмоқда. "Брентфорд" эса 10-поғонадан жой олган. Жамоа ҳисобида 19 очко бор.