"Real" rahbari Xabi Alonso hujumchi Rodrigo haqida fikr bildirdi. Braziliyalik futbolchi bu mavsumda 15 ta o‘yinda maydonga tushdi va birorta ham gol ura olmadi. Shu bilan birga Rodrigo bor-yo‘g‘i to‘rt marta asosiy tarkibda maydonga tushdi.
"Unga ishonish kerak. Bir lahza, bir gol bilan hammasi o‘zgarishi mumkin. Uning sifati bor, raqobat kuchli. Rodrigoning ish etikasi yaxshi. Unga hozir vaziyatni o‘zgartirish uchun yaxshi o‘yin va gol kerak", - dedi Alonso matbuot anjumanida jurnalistlarga.
3 dekabr, chorshanba kuni "Real" La Liga doirasida Bilbaoda "Atletik"ka qarshi bahs olib boradi.
