"Реал" раҳбари Хаби Алонсо ҳужумчи Родриго ҳақида фикр билдирди. Бразилиялик футболчи бу мавсумда 15 та ўйинда майдонга тушди ва бирорта ҳам гол ура олмади. Шу билан бирга Родриго бор-йўғи тўрт марта асосий таркибда майдонга тушди.
"Унга ишониш керак. Бир лаҳза, бир гол билан ҳаммаси ўзгариши мумкин. Унинг сифати бор, рақобат кучли. Родригонинг иш этикаси яхши. Унга ҳозир вазиятни ўзгартириш учун яхши ўйин ва гол керак", - деди Алонсо матбуот анжуманида журналистларга.
3 декабрь, чоршанба куни "Реал" Ла Лига доирасида Бильбаода "Атлетик"ка қарши баҳс олиб боради.
