"Manchester Yunayted" yarimhimoyachisi Meyson Maunt faoliyati boshlanganidan buyon futbolda ro‘y bergan o‘zgarishlar haqida gapirdi.

"O‘ylashimcha, APLdagi debyutimdan beri hammasi juda o‘zgarib ketdi. Hozir o‘yinlarga tayyorgarlik ko‘rishda juda ko‘p detallar hisobga olinadi. Raqiblar o‘yinini tahlil qilishda juda ko‘p nyuanslar bor, xoh u burchak to‘plari, zaif nuqtalar yoki taktik sxemalar bo‘lsin. Bu mayda-chuydalar o‘yinlarning borishiga jiddiy ta’sir ko‘rsatishi mumkin - hozir hamma standartlardan har qachongidan ham ko‘proq gollar urilayotganini ko‘rmoqda. Hammasiga tayyor bo‘lish kerak", - deya 26 yoshli Mauntning so‘zlarini keltiradi UtdDistrict.