"Chelsi" vingeri Pedru Netu jamoaning "Lids"ga qarshi o‘yindagi (1:3) muvaffaqiyatsizligi haqida fikr bildirdi.

"Raqib bizdan hamma narsada ustun edi. Buni qabul qilish qiyin, lekin saboq olish kerak. Shunday bo‘lib turadi. "Bornmut"ga qarshi navbatdagi o‘yinga e’tiborimizni qaratganmiz.

Bizda omadsiz kun bo‘ldi. "Lids" shiddat va kayfiyatda bizdan o‘zib ketdi, yakkama-yakka kurashlarda yaxshiroq edi va ko‘proq g‘alaba qozonishni xohladi. Bunday munosabat bilan maydonga tushib bo‘lmaydi," - dedi Netu Sky Sports’ga bergan intervyusida.

"Chelsi" 14 turdan so‘ng APL turnir jadvalida to‘rtinchi o‘rinda bormoqda.