Chorshanba kuni "Liverpul" Premyer-liga doirasida o‘z uyida "Sanderlend"ni mag‘lub eta olmadi (1:1).

"Qizillar" faqat 81-daqiqada avtogol evaziga mag‘lubiyatdan qutulib qolishdi. Indykaila News xabariga ko‘ra, o‘tgan hafta bo‘lib o‘tgan favqulodda yig‘ilishda "Liverpul" rahbarlari Arne Slotga agar natijalar yaxshilanmasa, u ishdan bo‘shatilishi mumkinligini aytgan. Shanba kuni mersisaydliklar safarda "Lids" bilan o‘ynaydi - agar yana bir xatolik yuz bersa, klub bosslarining yangi favqulodda uchrashuvi bo‘lib o‘tadi, unda murabbiyning kelajagi muhokama qilinadi, deya xabar beradi manba.

"Liverpul" 14 turdan keyin 22 ochko bilan 8-o‘rinda bormoqda. Birinchi o‘rinda borayotgan "Arsenal" bilan oradagi farq 11 ochkoni tashkil etmoqda.