"Vilyarreal" hujumkor yarim himoyachisi Alberto Moleyro Londonning "Arsenal" klubi qiziqishlari doirasiga tushib qoldi, deb xabar beradi Football Espana.
"Arsenal" yanvar oyida futbolchini sotib olishga tayyor. Rahbariyat jamoaga chuqurroq hujum chizig‘i kerak deb hisoblaydi. Futbolchining universalligi murabbiy Mikel Arteta uchun afzalliklardan biridir. Londonliklar yarim himoyachi uchun 35 mln yevro to‘lashga tayyor.
Shuningdek, Moleyroga "Manchester Siti," "Liverpul" va Madridning "Atletiko" klublari ham qiziqish bildirmoqda. Futbolchining "Vilyarreal" bilan amaldagi mehnat shartnomasi 2030 yilning iyunigacha mo‘ljallangan.
Joriy mavsumda Moleyro klub safida barcha musobaqalarda 19 ta o‘yinda maydonga tushib, 6 ta gol urdi va 2 ta golli uzatmani amalga oshirdi. Transfermarkt portali ma’lumotiga ko‘ra, futbolchining transfer narxi 25 mln yevroni tashkil etadi.
