"Вильярреал" ҳужумкор ярим ҳимоячиси Альберто Молейро Лондоннинг "Арсенал" клуби қизиқишлари доирасига тушиб қолди, деб хабар беради Football Espana.
"Арсенал" январь ойида футболчини сотиб олишга тайёр. Раҳбарият жамоага чуқурроқ ҳужум чизиғи керак деб ҳисоблайди. Футболчининг универсаллиги мураббий Микель Артета учун афзалликлардан биридир. Лондонликлар ярим ҳимоячи учун 35 млн евро тўлашга тайёр.
Шунингдек, Молейрога "Манчестер Сити," "Ливерпуль" ва Мадриднинг "Атлетико" клублари ҳам қизиқиш билдирмоқда. Футболчининг "Вильярреал" билан амалдаги меҳнат шартномаси 2030 йилнинг июнигача мўлжалланган.
Жорий мавсумда Молейро клуб сафида барча мусобақаларда 19 та ўйинда майдонга тушиб, 6 та гол урди ва 2 та голли узатмани амалга оширди. Transfermarkt портали маълумотига кўра, футболчининг трансфер нархи 25 млн еврони ташкил этади.
