"Arsenal" Ispaniyaning "Elche" klubi 20 yoshli yarim himoyachisi Rodrigo Mendosaga qiziqish bildirmoqda. Bu haqda Sky Sports xabar bermoqda.

Manbaga ko‘ra, London klubi chap qanot hujumchisini sotib olish imkoniyatini ham o‘rganmoqda. Shu munosabat bilan "Arsenal" "Ayntraxt"ning 20 yoshli vingeri Jan-Mateo Baoyyani kuzatib borayotgan jamoalar qatoriga kiradi.

Joriy mavsumda Mendosa barcha musobaqalarda 11 ta o‘yinda maydonga tushib, 2 ta gol urishga muvaffaq bo‘ldi. Futbolchining klub bilan amaldagi mehnat shartnomasi 2028 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 9 mln yevroni tashkil etadi.

Baoyya 18 ta o‘yinda maydonga tushib, uchta gol urdi va golli uzatmani amalga oshirdi. Fransiyalik hujumchining "Ayntraxt" bilan shartnomasi 2029 yilgacha mo‘ljallangan. Transfermarkt portali ma’lumotlariga ko‘ra, futbolchining bozor narxi 25 mln yevroni tashkil etadi.