Mali terma jamoasi bosh murabbiyi Tom Saintfit Afrika Kubogiga tayyorgarlik haqida fikr bildirdi.

FIFA avvalroq klublar 15 dekabrdan, ya’ni odatdagidan bir hafta kechroq futbolchilarni milliy jamoalarga qo‘yib yuborishni boshlashi kerakligini ma’lum qilgandi.

"Dunyo Afrika futbolini hurmat qilishi kerak, deb o‘ylayman. Turnirni o‘tkazish muddatlari bo‘yicha mukammal yechim bo‘lmaydi.

Mavsum o‘rtalariga kelsak, aksariyat futbolchilar G‘arbiy Yevropa mamlakatlarida o‘ynashadi, ammo ular futbolni boshqarmaydi.

Norvegiya, Shvesiya, Finlyandiya, Islandiya, Irlandiya, Rossiyada o‘ynayotgan futbolchilar o‘z mavsumlarini yakunlashmoqda. Shuning uchun futbol faqat Angliya, Germaniya yoki Italiyada o‘ynalmaydi.

Afrika o‘z bilganicha ish tutishi kerak. Gap iqlimda. Va menimcha, qolgan dunyo Afrikani hurmat qilishni boshlashi kerak", - dedi Tom Saintfit.