So‘nggi vaqtlarda OAVda Darvin Nunyesning qishki transfer oynasida “Al-Hilol” klubini tark etishi mumkinligi haqida xabarlar tarqaldi. Biroq Fabrisio Romanoning xabariga ko‘ra, futbolchiga yaqin manbalar bu ma’lumotlarni inkor etdi.

26 yoshli forvard hozirda bor e’tiborini riyodliklar safida o‘ynashga qaratgan va klubda mamnun.

Uning shartnomasi 2028 yil yozigacha mo‘ljallangan. Transfermarkt hozirda uni 45 million yevroga baholamoqda.

"Hilol" safida Nunyes jami 11 ta o‘yinda 5 ta gol urib, 2 ta golli uzatma bergan.