Argentina terma jamoasi bosh murabbiyi Lionel Skaloni AQSH, Meksika va Kanadada bo‘lib o‘tadigan 2026 yilgi jahon chempionatidan nimalar kutayotgani haqida gapirdi.
"Chorak finaldan boshlab bizga doimo dahshatli raqiblar raqiblik qiladi. Agar jamoa guruh bosqichida muvaffaqiyatsizlikka uchrasa, undan ham oldinroq. Qiyin bo‘ladi.
Biz hali hech narsa yutmagandek kurashishda davom etamiz. Bu har bir futbolchi qilishi kerak bo‘lgan ish: g‘alabaga intilishda davom etish", - deya Skalonining so‘zlarini keltiradi Foot Mercato.
Murabbiy, shuningdek, jahon chempionati bilan bog‘liq boshqa qiyinchiliklar, jumladan, turnir davomida Shimoliy Amerikada kutilayotgan jaziramani ham tilga oldi.
