"Tottenxem" bosh murabbiyi Tomas Frank hujumkor yarim himoyachi Xavi Simonsning joriy mavsumdagi o‘yinlari haqida gapirdi.
Mutaxassisning fikricha, 22 yoshli futbolchining Angliya chempionatiga moslashishi uchun ko‘proq vaqt kerak.
"U pleymeyker, ijodkor bo‘lish va shu bilan birga vaziyatlarni yakunlash uchun juda katta salohiyatga ega. Xavi bizga foyda keltirishiga ishonchim komil. Bu holatni Virs va "Liverpul" bilan taqqoslash mumkin," - deya Frankning so‘zlarini keltiradi The Athletic.
Simons 2025 yil avgust oyi oxirida "shporlar" bilan shartnoma imzoladi. U London klubi safida 11 ta o‘yin o‘tkazib, atigi 1 ta golli uzatmani amalga oshirdi.
