"Тоттенхэм" бош мураббийи Томас Франк ҳужумкор ярим ҳимоячи Хави Симонснинг жорий мавсумдаги ўйинлари ҳақида гапирди.
Мутахассиснинг фикрича, 22 ёшли футболчининг Англия чемпионатига мослашиши учун кўпроқ вақт керак.
"У плеймейкер, ижодкор бўлиш ва шу билан бирга вазиятларни якунлаш учун жуда катта салоҳиятга эга. Хави бизга фойда келтиришига ишончим комил. Бу ҳолатни Вирц ва "Ливерпуль" билан таққослаш мумкин," - дея Франкнинг сўзларини келтиради The Athletic.
Симонс 2025 йил август ойи охирида "шпорлар" билан шартнома имзолади. У Лондон клуби сафида 11 та ўйин ўтказиб, атиги 1 та голли узатмани амалга оширди.













