"Santos" Braziliya chempionatining so‘nggi, 38-turida o‘z maydonida "Kruzeyro"ni tor-mor etdi - 3:0.
Gollarga Tasianu (dubl) va Xuan Shmidt mualliflik qildi. 33 yoshli hujumchi Neymar o‘yinni asosiy tarkibda boshladi va to‘liq harakat qildi.
Avvalroq, shifokorlar Neymarga tizzasidan olgan jarohati tufayli chempionatning qolgan o‘yinlarini o‘tkazib yuborishni tavsiya qilgandi, ammo hujumchi baribir o‘yinlarda ishtirok etdi va to‘rtta o‘yinda to‘rtta gol urdi va golli uzatmani amalga oshirdi.
"Santos" turnir jadvalida 12-o‘rinni egallab, Braziliya chempionati yuqori divizionidan tushib ketishdan qutulib qoldi va Janubiy Amerika kubogi guruh bosqichiga yo‘l oldi. "Flamengo" chempion bo‘ldi. Ikkinchi o‘rinni "Palmeyras", uchinchi o‘rinni esa "Kruzeyro" jamoalari egalladi.
Neymar 2025 yilgi mavsumda 27 ta o‘yinda 11 ta gol urdi va 4 ta golli uzatmani amalga oshirdi.
