Madridning "Real" klubi hujumchisi Kilian Mbappe Ispaniya La Ligasining 15-turida "Selta"ga qarshi o‘yinda chap qo‘lining nomsiz barmog‘ini sindirib oldi. Bu haqda AS nashri xabar bermoqda.
Nashr ma’lumotlariga ko‘ra, fransiyalik hujumchi Ispaniya chempionatidagi uchrashuv davomida jarohat olgan, ammo o‘yin oxirigacha maydonda qolgan. Shu bilan birga, futbolchi 10 dekabr kuni Chempionlar Ligasi umumiy bosqichining 6-turi doirasida "Manchester Siti"ga qarshi o‘yinda maydonga tusha oladi.
Eslatib o‘tamiz, "qaymoqranglilar" himoyachisi Eder Militao ham "Selta"ga qarshi o‘yinda jarohat olgan edi.
Joriy mavsumda Mbappe klub va terma jamoa safida 25 uchrashuvda 30 ta gol urdi va yettita samarali uzatmani amalga oshirdi.













