Мадриднинг "Реал" клуби ҳужумчиси Килиан Мбаппе Испания Ла Лигасининг 15-турида "Сельта"га қарши ўйинда чап қўлининг номсиз бармоғини синдириб олди. Бу ҳақда AS нашри хабар бермоқда.
Нашр маълумотларига кўра, франциялик ҳужумчи Испания чемпионатидаги учрашув давомида жароҳат олган, аммо ўйин охиригача майдонда қолган. Шу билан бирга, футболчи 10 декабрь куни Чемпионлар Лигаси умумий босқичининг 6-тури доирасида "Манчестер Сити"га қарши ўйинда майдонга туша олади.
Эслатиб ўтамиз, "қаймоқранглилар" ҳимоячиси Эдер Милитао ҳам "Сельта"га қарши ўйинда жароҳат олган эди.
Жорий мавсумда Мбаппе клуб ва терма жамоа сафида 25 учрашувда 30 та гол урди ва еттита самарали узатмани амалга оширди.













