Shaxmatning «Freestyle» yo‘nalishi bo‘yicha yilning yakuniy final musobaqasi Janubiy Afrikaning Keyptaun shahrida boshlandi. Unda o‘zbekistonlik sportchi Javohir Sindarov qatnashmoqda.
Sakkiz nafar shaxmatchi kecha rapid formatida (10+5) aylanma tizimda o‘zaro bir martadan o‘ynab chiqishdi. Sindarov 7 ta o‘yinda 5,5 ochko jamg‘arib, saralash bosqichi g‘olibiga aylandi. Javohir kechagi bahslar davomida Magnus Karlsen, Fabiano Karuana, Xans Niman, Parham Maqsudlu kabi kuchli shaxmatchilarni mag‘lub etdi.
O‘zbekistonlik grossmeyster saralash bosqichi g‘olibi sifatida chorak finaldagi raqibi sifatida eronlik shaxmatchi Parham Maqsudluni tanladi. Chorak finalda shaxmatchilar oq va qora donalarda bir martadan bahs o‘tkazishadi. Agar ikki o‘yindan so‘ng durang qayd etilsa, tay-brek orqali g‘olib aniqlanadi. Chorak finalning barcha o‘yinlari bugun o‘tkaziladi.
