Angliya chempionatida o‘n beshinchi tur yakunlandi, "Manchester Yunayted" "Vulverxempton"ni yirik hisobda mag‘lub etdi.
O‘yindagi to‘rtta goldan birini Meyson Maunt kiritdi, u o‘yindan so‘ng bo‘lib o‘tgan bahs haqidagi taassurotlari bilan o‘rtoqlashdi.
"Biz uchun muhim g‘alaba, garchi birinchi bo‘limda ularga haddan tashqari ko‘p imkoniyat berib yuborgan bo‘lsak-da. Kiyinish xonasiga barchamiz hafsalamiz pir bo‘lgan va tushkun kayfiyatda ketdik. Ikkinchi bo‘limdan esa juda mamnun holda qaytdik", - deya Meyson Mauntning so‘zlarini keltiradi BBC Sport.
G‘alaba Ruben Amorim jamoasiga Angliya chempionati turnir jadvalida oltinchi o‘ringa ko‘tarilish imkonini berdi.
