Urugvaylik himoyachi Ronald Arauxo "Barselona"da boshqa o‘ynamaydi, deya ishonch bildirmoqda ispaniyalik jurnalist Xunma Kastanyo. Bu fikrni u El Tetruilon Futbol dasturida aytib o‘tdi.
- Arauxoning ahvoli biz o‘ylagandan ham yomonroq. U umuman "Barselona" safida yana hech bo‘lmasa bir marta maydonga tushishiga ishonchim komil emas," - dedi Kastanyo.
Eslatib o‘tamiz, so‘nggi vaqtlarda alohida sabablarsiz maydonda qo‘pol follar ishlatib, jamoasini yomon vaziyatda qoldirgan urugvaylik futbolchi mavsumning o‘ta mas’uliyatli qismida o‘ynashga qandaydir ruhiy muammolar xalaqit berayotganini ma’lum qilgandi.
Eslatib o‘tamiz, Ronald Arauxo 2018 yilda "Barselona" sharafini himoya qila boshlagan.
