Yevropa futbolida qit’aning eng nufuzli turniri - Chempionlar ligasi guruh bosqichining 6-tur o‘yinlari bo‘lib o‘tdi. Italiyaning "Napoli" klubi Portugaliyaga safar qildi, ammo u yerda kutilmaganda "Benfika"ga qarshi o‘yinda muvaffaqiyatsizlikka uchradi - 0:2.

Ma’lum bo‘lishicha, Italiya klubi uchun bu Yevropa turnirlarida mehmondagi ketma-ket beshinchi mag‘lubiyat bo‘ldi (albatta, o‘tgan mavsumni ham hisobga olsak). Bu klub tarixidagi eng uzoq davom etgan seriyadir. "Napoli" keyingi turda ham safarda o‘ynaydi. Bu safargi raqib "Kopengagen" bo‘ladi.