Hujumchi Antuan Semenyo qishdayoq "Bornmut"ni tark etib, darajasi balandroq klubga o‘tishi mumkin. Matbuot 25 yoshli futbolchini anchadan buyon Angliya Premyer-ligasining top-klublari bilan bog‘lab keladi.
Transfer News Live nashrining CaughtOffside’ga tayanib xabar berishicha, "Manchester Siti" Semenyoning transferi bo‘yicha "Bornmut" bilan 65 million funt (taxminan 74,2 million yevro) evaziga kelishib olgan. "Liverpul" ham "shaharliklar" taklifini takrorladi - ham bitim summasi, ham shaxsiy shartlar bo‘yicha.
Endi hammasi Antuan Semenyoning o‘ziga bog‘liq bo‘ladi. U qaysi jamoaga o‘tishni hal qilishi kerak.
2025/2026 yilgi mavsumda Semenyo 15 ta o‘yinda 6 ta gol urdi va 3 ta golli uzatmani amalga oshirdi. Futbolchi hujum markazida ham, hujumning ikkala qanotida ham o‘ynashga qodir.













