"Liverpul" o‘z maydonida APL 16-turidan o‘rin olgan uchrashuvda "Brayton"ni mag‘lub etdi - 2:0.
Ugo Ekitikening dubli mersisaydliklarga g‘alaba keltirdi. 23 yoshli fransuz 1- va 60-daqiqalarda raqib darvozasini ishg‘ol qildi. Ikkinchi golni Ekitike o‘yin davomida zaxiradan maydonga tushgan Muhammad Salohning uzatmasidan keyin kiritdi. Misrlik futbolchi Chempionlar ligasi doirasida "Inter" (1:0) bilan o‘yin qaydnomasidan chetlatilganidan keyin "Liverpul" safiga qaytdi.
"Liverpul" (26 ochko) APLda oltinchi o‘ringa ko‘tarildi. "Brayton" (23) esa turnir jadvalida to‘qqizinchi o‘ringa tushib ketdi.
Liverpul - Brayton - 2:0
Gollar: Ekitike, 1 (1:0). Ekitike, 60 (2:0)
Liverpul: Alisson, van Deyk, Konate, Kerkez, Djo Gomes (Saloh, 26), Djons, Gravenberx, Makallister, Virs (Robertson, 78), Soboslai (Kyeza, 83), Ekitike (Isak, 78)
Brayton: Verbryuggen, Dank, van Xekke, Ferdi Kadioglu, Viffer, Xinshelvud (Uelbek, 82), Baleba (Ayyari, 64), Gruda (Mitoma, 64), D. Gomes (Milner, 87), Minte, Ryutter (Kostulas, 82)
Ogohlantirishlar: Konate, 64 - D. Gomes, 45. Dank, 59
