"Manchester Yunayted" bosh murabbiyi Ruben Amorim himoyachi Lyuk Shouning hozirgi formasi haqida gapirdi.

Angliyalik futbolchi butun faoliyati davomida jarohatlar bilan bog‘liq muammolardan aziyat chekmoqda, ammo joriy mavsumda u nihoyat barqarorlikka erishdi: u "qizil iblislar"ning Premyer-ligadagi barcha 15 o‘yinida asosiy tarkibda maydonga tushdi.

"Biz Shouning sog‘lig‘i haqida qayg‘uramiz, ammo hozirda bu borada muammo yo‘q. Menimcha, u juda g‘ayratli, bu ham yordam berishi mumkin. Ba’zida o‘zingizni yaxshi his qilish va tanangizni tushunish uchun bir mavsum yetarli bo‘ladi. Aniq sababini bilmayman, ammo hozir Lyukning ahvoli juda yaxshi ekanini ko‘rib turibman," - dedi Amorim matbuot anjumanida.

Bugun "Manchester Yunayted" o‘z maydonida "Bornmut"ni qabul qiladi. O‘yin Toshkent vaqti bilan 01:00 da boshlanadi.