"Манчестер Юнайтед" бош мураббийи Рубен Аморим ҳимоячи Люк Шоунинг ҳозирги формаси ҳақида гапирди.
Англиялик футболчи бутун фаолияти давомида жароҳатлар билан боғлиқ муаммолардан азият чекмоқда, аммо жорий мавсумда у ниҳоят барқарорликка эришди: у "қизил иблислар"нинг Премьер-лигадаги барча 15 ўйинида асосий таркибда майдонга тушди.
"Биз Шоунинг соғлиғи ҳақида қайғурамиз, аммо ҳозирда бу борада муаммо йўқ. Менимча, у жуда ғайратли, бу ҳам ёрдам бериши мумкин. Баъзида ўзингизни яхши ҳис қилиш ва танангизни тушуниш учун бир мавсум етарли бўлади. Аниқ сабабини билмайман, аммо ҳозир Люкнинг аҳволи жуда яхши эканини кўриб турибман," - деди Аморим матбуот анжуманида.
Бугун "Манчестер Юнайтед" ўз майдонида "Борнмут"ни қабул қилади. Ўйин Тошкент вақти билан 01:00 да бошланади.
