Italiya chempionatining 15-turidan o‘rin olgan so‘nggi o‘yinda "Roma" o‘z maydonida "Komo"ni qabul qildi va kichik hisobda g‘alaba qozondi - 1:0. "Komo" ustozi, ispaniyalik mutaxassis Sesk Fabregasning fikricha, uning jamoasi ham golga loyiq edi.
"Men jamoa bilan faxrlanaman, biz oxirigacha kurashdik. O‘ylashimcha, bitta gol urishga loyiq edik. "Roma"ga maqtovlarim, ular jismonan bizdan o‘zib ketdi. Ularda Soule bor, aynan u bugun farqni ko‘rsatdi. Uning kelajagiga ishonchim komil," - deya Fabregasning so‘zlarini keltiradi Forzaroma.info.
Italiya chempionatining navbatdagi turida "Komo" "Lechche" bilan o‘ynashi kerak bo‘ladi, bu 27 dekabr kuni sodir bo‘ladi.
