"Barselona" prezidenti Joan Laporta yana bir bor Negreyra ishini klubni obro‘sizlantirish kampaniyasi deb atadi.
"Barselona" hech qachon musobaqa jarayoniga ta’sir o‘tkazish va sport ustunligini qo‘lga kiritish maqsadida hech qanday harakat qilmagan. Hozir bu haqda izoh bermaslikni afzal ko‘raman, ammo bu "Barsa"ning obro‘siga putur yetkazish va tariximizning shonli davriga dog‘ tushirish uchun rejalashtirilgan kampaniya ekanligi aniq.
"Barsa" o‘sha paytlarda o‘zining g‘alabalari va g‘alaba qozonishi bilan jahon etaloniga aylangandi. Endi bu yana takrorlanishi mumkin va bu jarayon cho‘zilib ketayotganga o‘xshaydi", - dedi Laporta sudda.
