"Manchester Yunayted" futbolchisi Brunu Fernandesh yozda "Al-Hilol"dan aniq taklif olganini, biroq jamoada qolishga qaror qilganini aytdi.
Portugaliyalik Saudiya Arabistoni jamoasi vakillari u bilan to‘g‘ridan-to‘g‘ri aloqaga chiqqanini tan oldi. U bilan "Al-Hilol" prezidenti, shuningdek, ehtimoliy transferni muhokama qilishni taklif qilgan Ruben Nevesh suhbatlashdi. Fernandeshning ta’kidlashicha, Saudiya Arabistonidagi moliyaviy sharoitlar ancha foydaliroq bo‘lgan, biroq pul u uchun hech qachon asosiy omil bo‘lmagan.
- Men shikoyat qilolmayman, menga juda yaxshi haq to‘lashadi, lekin, ko‘rinib turibdiki, farq katta. Lekin men hech qachon pulga qarab ish tutmaganman. Ko‘pchilik qatori men ham o‘sha yoqqa ketishim mumkin. Lekin klubga bog‘lanib qolganman. Klub meni ketishimni xohladi, buni his qilyapman. Men buni rahbariyatga aytdim, lekin menimcha, ular bunday qaror qabul qilishga jur’at etmadilar, chunki men murabbiyga kerak edim," - deya o‘yinchining so‘zlarini keltiradi Canal11.
Bu mavsumda futbolchi APLda 16 ta o‘yinda maydonga tushib, beshta gol urdi va yettita golli uzatmani amalga oshirdi.
