"Манчестер Юнайтед" футболчиси Бруну Фернандеш ёзда "Ал-Ҳилол"дан аниқ таклиф олганини, бироқ жамоада қолишга қарор қилганини айтди.
Португалиялик Саудия Арабистони жамоаси вакиллари у билан тўғридан-тўғри алоқага чиққанини тан олди. У билан "Ал-Ҳилол" президенти, шунингдек, эҳтимолий трансферни муҳокама қилишни таклиф қилган Рубен Невеш суҳбатлашди. Фернандешнинг таъкидлашича, Саудия Арабистонидаги молиявий шароитлар анча фойдалироқ бўлган, бироқ пул у учун ҳеч қачон асосий омил бўлмаган.
- Мен шикоят қилолмайман, менга жуда яхши ҳақ тўлашади, лекин, кўриниб турибдики, фарқ катта. Лекин мен ҳеч қачон пулга қараб иш тутмаганман. Кўпчилик қатори мен ҳам ўша ёққа кетишим мумкин. Лекин клубга боғланиб қолганман. Клуб мени кетишимни хоҳлади, буни ҳис қиляпман. Мен буни раҳбариятга айтдим, лекин менимча, улар бундай қарор қабул қилишга журъат этмадилар, чунки мен мураббийга керак эдим," - дея ўйинчининг сўзларини келтиради Canal11.
Бу мавсумда футболчи АПЛда 16 та ўйинда майдонга тушиб, бешта гол урди ва еттита голли узатмани амалга оширди.
