"Barselona" vingeri Rafinya Dias The Best marosimida FIFA talqini bo‘yicha yilning ramziy terma jamoasiga kiritilmadi.

Tanlov darhol ko‘plab bahs-munozaralarga sabab bo‘ldi, Rafinyaning rafiqasi esa ijtimoiy tarmoqlar orqali o‘z noroziligini yashirmadi.

"Rafinya - basketbolchimi?!", - deb yozdi Natalya Belloli o‘sha ramziy terma jamoa bilan tushgan suratini ilova qilib. - 62 gol va assist, ammo u bu tarkibga loyiq emas! - deydi "ko‘k-anorranglilar"ning braziliyalik yulduzi rafiqasi.

Eslatib o‘tamiz, oktyabr oyida Rafinya "Oltin to‘p" uchun ovoz berish natijalariga ko‘ra beshinchi o‘rinni egallagandi, bu ham jamoatchilikning turli munosabatlariga sabab bo‘lgandi.