"Барселона" вингери Рафинья Диас The Best маросимида ФИФА талқини бўйича йилнинг рамзий терма жамоасига киритилмади.
Танлов дарҳол кўплаб баҳс-мунозараларга сабаб бўлди, Рафиньянинг рафиқаси эса ижтимоий тармоқлар орқали ўз норозилигини яширмади.
"Рафинья - баскетболчими?!", - деб ёзди Наталья Беллоли ўша рамзий терма жамоа билан тушган суратини илова қилиб. - 62 гол ва ассист, аммо у бу таркибга лойиқ эмас! - дейди "кўк-анорранглилар"нинг бразилиялик юлдузи рафиқаси.
Эслатиб ўтамиз, октябрь ойида Рафинья "Олтин тўп" учун овоз бериш натижаларига кўра бешинчи ўринни эгаллаганди, бу ҳам жамоатчиликнинг турли муносабатларига сабаб бўлганди.
