"Pari Sen-Jermen" klubi Ibraima Mbayening shartnomasida ko‘rsatilgan uzaytirish variantini faollashtirdi. 17 yoshli futbolchining shartnomasi 2027 yilning yarmigacha mo‘ljallangan edi, biroq parijliklar kelishuvni yana bir yilga uzaytirishga qaror qilishdi, deb xabar bermoqda jurnalist Fabris Xokins.
Yosh vinger Fransiya grandining asosiy jamoasi safida barcha musobaqalarda 30 ta o‘yin o‘tkazishga ulgurdi.
Joriy mavsumda Luis Enrike vunderkindni sakkiz marta asosiy tarkibda maydonga tushirdi, yana o‘n marta o‘yinchi zaxiradan o‘yinga qo‘shildi. Transfermarkt portali 25 mln yevroga baholagan Mbaye hisobida "PSJ" safida ikkita gol va to‘rtta golli uzatma bor, shuningdek, u Senegal terma jamoasi safida ikkita o‘yinda 1+2 ko‘rsatkichini qayd etgan.
