"Пари Сен-Жермен" клуби Ибраима Мбайенинг шартномасида кўрсатилган узайтириш вариантини фаоллаштирди. 17 ёшли футболчининг шартномаси 2027 йилнинг ярмигача мўлжалланган эди, бироқ парижликлар келишувни яна бир йилга узайтиришга қарор қилишди, деб хабар бермоқда журналист Фабрис Хокинс.
Ёш вингер Франция грандининг асосий жамоаси сафида барча мусобақаларда 30 та ўйин ўтказишга улгурди.
Жорий мавсумда Луис Энрике вундеркиндни саккиз марта асосий таркибда майдонга туширди, яна ўн марта ўйинчи захирадан ўйинга қўшилди. Transfermarkt портали 25 млн еврога баҳолаган Мбайе ҳисобида "ПСЖ" сафида иккита гол ва тўртта голли узатма бор, шунингдек, у Сенегал терма жамоаси сафида иккита ўйинда 1+2 кўрсаткичини қайд этган.
