"Bornmut" yarim himoyachilari Aleks Skott va Tayler Adams "Manchester Yunayted" qiziqishlari doirasiga tushib qoldi.

Dushanba kuni bo‘lib o‘tgan Premyer-liga bahsida jamoalar o‘zaro to‘qnash keldi - 4:4. O‘yinning 5-daqiqasidayoq Adams jarohat tufayli almashtirildi - uning o‘rnini Skott egalladi. Transfer News Live xabariga ko‘ra, "qizil iblislar" murabbiy Ruben Amorimning so‘roviga ko‘ra, maydon markazini qayta qurish doirasida har ikki futbolchini o‘z safiga qo‘shib olish imkoniyatini ko‘rib chiqmoqda.

Manbaga ko‘ra, klublar Adams bo‘yicha muzokaralar olib borgan, biroq kelishuv 26 yoshli amerikalikning jiddiy jarohati tufayli barbod bo‘lishi mumkin. Transfermarkt portali uning narxini 25 mln yevroga, 22 yoshli Aleks Skottning narxini esa 30 mln yevroga baholagan.